Xitatimende hi Holobye wa Mabindzu na Vumaki, Nkul. Mandisi Mpahlwa, mayelana na Lotto ya tiko
Ndzi hlamusele vaaka tiko hi ti 31 Nyenyankulu 2007 leswaku endzhaku ka loko ndzi langutisile xiboho xa Khoto ndzi endle leswaku ku va na vulavisisi byin?wana ku endliwa hi Huvo ya Tilotto ta Tiko ku ya hi swilaveko swa Tikhoto na leswaku mpimo wa ntirho lowu faneleke ku endliwa wu ta endla leswaku swi nga koteki ku va NLB yi heta ntirho ka ha ri nkarhi leswaku ndzi teka xiboho xintshwa ku nga si hela layisense leyi hundzeke.
Ndzi tlhele ndzi vula leswaku a ndzi tihlanganisa na hinkwavo vaendli va xikombelo xo fambisa lotto, hi minseketelo yeleyo a hi langutisa tindlela eka swa nawu ku hunguta nkarhi laha ku nga ta va ku nga ri na lotto.
Ndzi vule leswaku eka swiyimo leswi ndzi languteriwe ku tivisa ku thoriwa ka vafambisi va Lotto ya tiko eka nkarhi wa kwalomu ka n?hweti yin?we.
Ndzi vile na tinhlengeletano to tala na swiyenge hinkwaswo no tihlanganisa na vatsundzuxi va mina va swa nawu ku ringeta ku kuma xitshunxo ku endlela ku hunguta nkarhi lowu ku nga ta va ku nga ri na lotto. Hina, xikan?we na vakomberi vo fambisa lotto, hi hlulekile ku twanana ku ya hi mafambiselo ya lotto swa xinkadyana.
Hi nkarhi lowu NLB yi ye emahlweni na ntirho lowu a wu fanele ku endliwa. Ndzi fanele ku tlhela ndzi tiyisisa leswaku ku va NLB yi hetisisa ntirho wa yona, yi lava ntirhisano ku suka eka vakomberi vo fambisa lotto hinkwavo.
Huvo ya Lotto ya Tiko yi tihlanganise na mina hi Dzivamisoko 2007 kutani yi vula leswaku, ku vona leswaku pfhumba ra hetisisiwa swinene, yi ta lava ku engeteriwa nkarhi ku hetisa ntirho lowu ndzi nga va kombela ku wu endla.
Huvo yi hlamusele leswaku xilaveko xo engeteleriwa nkarhi ku hetisisa pfhumba ku ve hi xivangelo xo hlwerisiwa ka mahungu laya faneleke hi van?wana va vaendli va swikombelo swo fambisa lotto xikan?we no humelerisa mahungu walawo loko ya ta va kona.
Ndzi bohe ku pfumelela Huvo ya Lotto ya Tiko nkarhi wo engetela lowu va wu kombeleke leswaku va ta tienerisa hi swiringanyeto leswi va swi lavaka ku ndzi endlela swona ku ya hi vaendli va swikombelo swo fambisa Lotto ya tiko.
Loko Huvo yi hetile ntirho wa yona no va yi endlile swiringanyeto eka mina, ndzi ta lava nkarhi ku swi langutisisa. Kutani ndzi ta va na nkarhi wo amukela kumbe ndzi ala swiringanyeto. Eka nkarhi lowu ndzi nga ta amukela swiringanyeto swa Huvo, ndzi ta va nyika nkarhi wo kanela ntwanano wa layisense na vakomberi vo fambisa lotto lava nga ta va va hlarile laha endzhaku va nga ta tisa layisense eka mina ku yi langutisisa naswona, loko ndzi eneriseka, ndzi ta sayina no humesa layisense eka mukomberi loyi a nga ta va a humelerile.
Ndzi ya emahlweni ndzi tekela enhlokweni ku tsakela lokukulu ka vaaka tiko eka Lotto ya tiko no ka ndzi nga tsakisiwi hi ku va yi yimisiwe swa nkarhinyana.
Ndzi tiyimiserile ku vona leswaku pfhumba leri ra hela hi nkarhi wutsongo, naswona ndzi ta humesa xitatimende xin?wana hi mhaka leyi eku heleni ka Mudyaxihi 2007.
Tihakelo leti faneleke na vakhomi va mathikiti a va nge khumbheki hi nkarhi lowu.
